بۆ یەكەمجار پەنگوینەكان تووشی ئەنفلۆنزای باڵندە دەبن

ئاڤا دیجیتاڵ

جۆرێکی کوشندە لە ئەنفلۆنزای باڵندە بۆ یەکەمجار لە نێو پەنگوینەکانی جەمسەری باشوور  بڵاوبووەتەوە، ژمارەیەکی زۆر لە باڵندە و شیردەرەکانی لە ناوبردووە.

وێنە گەورەکە: زانایان تا ئێستا 14 حاڵەتی ئەنفلۆنزای باڵندەیان لە نێوان پەنگوینەکانی  ئەنتارکتیکا پشتڕاستکردووەتەوە، ڤایرۆسی کوشندە بۆ یەکەمجار لە مانگی 10ی 2023، لە کیشوەرەکەدا دۆزرایەوە، لە چەند مانگی ڕابردوودا ژمارەیەک باڵندە و شیردەرەکانی لەناوبردووە، لە سەرەتای ساڵی 2024 بەشێکی دیکە لە پەنگوینەکانی لەناوبردووە، ئەمڕۆش ژمارەیەکی دیکە پەنگوینی لەناوبردووە.

لێدوانی فەرمی: ڕاڵف ڤانستریڵز، پزیشکی ڤێتێرنەری کە لەگەڵ کۆمپانیای سکاری ژینگەیی  کاردەکات، بە ڕۆیتەرزی گوت "بەدوور نازانرێت پەنگوینەکانی جێنتۆش ڤایرۆسە کوشندەکە بۆ کیشوەری باشوور بڵاوبکەنەوە".

باکگراوند: بەپێی زانیارییەکانی لیژنەی زانستی توێژینەوەی جەمسەری باشوور، تا ئێستا 14 حاڵەت لە کۆی 35 حاڵەتی تووشبوون بە ڤایرۆسەکە پشتڕاستکراوەتەوە، لەماوەی سێ مانگی ڕابردووشدا نزیکەی 50 پەنگوین بەڤایرۆسەکە لەناوچوون.