پزیشکێکی کورد خەڵاتێکی جیهانی بەدەستدێنێت

ئاڤا نیوز

لە پێشبڕکێی جوانکاریی ساڵانەی ئەکادیمیای فیلێمد کە سەدان پزیشک تێیدا بەشداربوون، پزیشکێکی جوانکاریی کورد کە خەڵکی هەرێمی کوردستانە خەڵاتێکی جیهانی بردەوە.

وێنە گەورەکە: د. هێمن زەمان، پزیشکێکی جوانکارییە لە هەرێمی کوردستان و هاوشانی پزیشکانی وڵاتان لە سەرتاسەری جیهان لە ئیڤێنتێکی ئەکادیمیای فیلمێد لە بانکۆکی پایتەختی تایلەند بەشداری دەکات، کە هەر ساڵە و لە وڵاتێک  بەڕێوەدەچێت.

لێدوانی فەرمی: د. هێمن زەمان بە ئاڤا نیوزی گوت: "من وەکو پزیشکێکی جوانکاری هەرێمی کوردستان و عێراق بەشداریم کردبوو، توانیم یەکێک بم لەو پێنج پزیشکەی کە خەڵاتکران".

ئەوەی پێویستە بیزانیت: پێش پێشبڕکێیەکە پزیشکەکانی بواری جوانکاری لە هەموو وڵاتانی جیهانەوە، ئەو کارانەی دەیکەن، دەینێرن بۆ ئەکادیمیایی فیلمێت، بە هەڵسەنگاندن باشترینەکان هەڵدەبژێرن و پێنج پزیشک خەڵات دەکرێن.

مەرجەکان: ئەکادیمیایەکە زۆرتر جەخت لەوە دەکاتەوە، کارەکان بەشێوازی زانستی و سرووشتی ئەنجامدرابێتن، ئەو جوانکارییانە بە شێوازێک کرابێت کە لەلایەن کەسانی دیکەوە هەست پێنەکرێت.