داوا دەکرێت وڵاتینامە لە دێنیز ئونداڤ وەربگیرێتەوە

ئاڤا نیوز 

سەرۆکی یەکێک لە پارتەکانی تورکیا، داوا دەکات دێنیز ئونداڤ وەڵاتینامەی تورکیای لێوەربگیرێتەوە، دوای ئەوەی دێنیز ڕەتی کردەوە " هاووڵاتی تورکیا بێت"و دەڵێت: "من کوردم". 

چیرۆکی سەرەکی: دێنیز ئونداڤ، بە ڕەچەڵەک کوردە، یاریی بۆ هەڵبژاردەی ئەڵمانیا دەکات، دوای ئەوەی ڕەتی دەکاتەوە یاری بۆ هەڵبژاردەی تورکیا بکات، لێی دەپرسن تۆ سەر بە کۆماری تورکیای؟ دەڵێت:" من  کوردم ". ئەمەش کاردانەوەی تووندی خەڵکی تورکیای لێکەوتەوە.

کاریگەری و لێکەوتەکانی: موستەفا دێستینجی، سەرۆکی پارتی یەکێتی گەورە لە تورکیا بە تووندی لە دژی ئونداز دەوەستێتەوە و دەڵێت" پێویستە وەڵاتینامەی لێ وەربگیرێتەوە و بچێتە ئەو شوێنەی کە ناوی دەبات".

ئەوەی ئێستا ڕوودەدات: ئونداڤ بووە بە بابەتی گەرمی سۆشیال میدیا لە تورکیا، بەشێک لە خەڵکی ئەو وڵاتە دەڵێن "ئەگەر تورک نەبێت بۆ بڵێت تورکم!، مەگەر کورد بوون تاوانە" بەشێکی دیکە وەک کەسێک کە وەفای بۆ وڵاتەکەی نەبێت باسی لێوە دەکەن. 

باکگراوند: دێنیز ئونداڤ، لە دایک بووی ساڵی ە 1996لە خێزانێکی کوردی باکووری کوردستانە، یاریزانێکی پیشەگەری تۆپی پێی ئەڵمانییە و بۆ هەڵبژاردەی ئەڵمانیاش یاری دەکات.