لە فەرەنسا هەڵبژاردنی پێشوەختە دەکرێت

ئاڤا نیوز

 

ناوەندەکانی دەنگدان لە فەرەنسا کراونەتەوە و دەنگدەران بەشداریی لە هەڵبژاردنی پێشوەختەی ئەو وڵاتەدا دەکەن.

 

وێنە گەورەکە: دوای سەرکەوتنی پارتە ڕاستڕەوەکان لە هەڵبژاردنەکانی پەرلەمانی ئەوروپا، ئیمانوێل ماکرۆن، سەرۆکی فەرەنسا، بڕیاری هەڵوەشانەوەی پەرلەمان و ئەنجامدانی هەڵبژاردنی پێشوەختەی دا.

 

زانیاریی زیاتر: پێشبینیی دەکرێت پارتی گردبوونەوەی نیشتمانی، کە پارتێکی ڕاستڕەوە بتوانێت زۆرینەی دەنگەکان بەدەست بێنێت. پارتەکە پێشتر ڕایگەیاندبوو بۆ بەڕێوەبردنی فەرەنسا ئامادەن.

 

ئەوەی پێویستە بیزانیت: هەڵبژاردنی فەرەنسا بە دوو خول دەکرێت و خولی دووەم لە 7-7-2024 بەڕێوەدەچێت.