ئەمساڵ لە هەڵەبجە 86 هەزار دۆنم زەوی بە گەنم داچێنراوە

ئاڤا نیوز

 

ئەمساڵ لە سنووری پارێزگای هەڵەبجە 86 هەزار و 300 دۆنم زەوی بە گەنم داچێنراوە و بەرهەمەکەی زیاتر لە 40 هەزار تۆن دەبێت.

 

وێنە گەورەکە: ئەمڕۆ یەکشەممە سەرۆکوەزیران بارزانی بەردی بناغەی سایلۆی هەڵەبجە دادەنێت، کە یەکێکە لە پرۆژە ستراتیژییەکانی سنوورەکە.

 

لێدوانی فەرمی: ستار مەحموود، بەڕێوەبەری گشتیی کشتوکاڵی هەڵەبجە بە ئاڤا  نیوزی ڕاگەیاند، هەڵەبجە ناوچەیەکی کشتوکاڵییە و بەشێکی دانیشتووانەکەی بژێوی ژیانیان لەسەریەتی، بوونی سایلۆ کارئاسانی بۆ جووتیارانی سنوورەکە دەکات بۆ ئەوەی بەئاسانی بەرهەمەکەیان ساغ بکەنەوە.

 

بۆچی گرنگە: ئێستا ڕێژەی گەنمی وەرگیراو لە پەنکەرەکاندا 20 هەزار و 400  تۆن گەنمە، بەڵام لە شوێنی هەڵگرتنیدا پارێزراو نییە و بەردەوام بەشێکی تێک دەچێت، دروستکردنی سایلۆ ڕێگری لە تێکچوونی دەکات و دوو ئەوەندەشی وەردەگرێت.