عێراق بەدەست تیرۆرەوە دەناڵێنێت

ئاڤا نیوز

 

سەرۆکی ڕێکخراوی ستراتیژی بۆ مافەکانی مرۆڤ لە عێراق ڕایدەگەیێنێت، بەپێی پێوەرەکانی جیهانیی تیرۆریزم، عێراق لە ڕیزبەندی دووەم زەرەرمەندترین وڵاتانی عەرەبی و 11مینی جیهانە.

 

وێنە گەورەکە: سەرەڕای ئەوەی  عێراق داعشی تێکشکاند، بەڵام هێشتا وڵاتەکە بەدەست تیرۆرەوە دەناڵێنێت؛ بەپێی زانیارییەکان ئێستا نزیکەی 70 گرووپی چەکداری لە عێراق  جێگیرن و چالاکییان هەیە. 

 

لێدوانی فەرمی: فازڵ غەراوی، سەرۆکی ڕێکخراوی ستراتیژی بۆ مافەکانی مرۆڤ لە عێراق بە ئاڤا نیوزی ڕاگەیاند: عێراق دوای سووریا، لە ڕیزبەندی دووەمی عەرەبی و 11مینی جیهان دێت لە مەترسی و زیانی تیرۆرەوە.

 

ژمارەکان وا دەڵێن: لە ساڵی 2016ـەوە زیاتر لە 600 هەزار کەسی مەدەنی و سەربازی لە عێراق بەهۆی هێرشی  تیرۆریستانەوە برینداربوونە و گیانیان لەدەستداوە.