لە ڕاپەڕین 231 حاڵەتی گازگرتنی سەگ تۆمار کراوە

ئاڤا نیوز 

بەڕێوەبەری تەندروستی ڕاپەڕین ڕایگەیاند، ئەمساڵ حاڵەتی گازگرتنی سەگ زیادی کردووە.

وێنە گەورەکە: بەهۆی زۆری ژمارەی سەگی بێلانە لەسنووری ئیدارەی ڕاپەڕین، خەریکە گازگرتنی سەگ لە حاڵەتەوە و دەبێت بە دیاردە.

لێدوانی فەرمی: د.دیار ئیبراهیم، بە ئاڤا نیوزی گوت: ئەمساڵ 231 حاڵەتی گازگرتنی سەگ تۆمار کراوە و زۆرینەی گەنج و منداڵ بوونە، ئەوانەش چارەسەریان بۆ کراوە و بەشێکیان لە نەخۆشخانە خەوێنراون.

مەترسییەکان: هاری سەگ یەکێکە لەو نەخۆشییانەی بەهۆی گازگرتنی سەگەوە تووشی مرۆڤ دەبێت، لە کاتی دەرکەوتنی نیشانەکانی لەسەر نەخۆشەکە ئەگەری مردنی زۆر دەبێت.

زانیاریی زیاتر: بە گوتەی د.دیار ئیبراهیم، هیچ حاڵەتێکی گیانلەدەستدان بەهۆی گازگرتنی سەگەوە تۆمار نەکراوە.