هۆکاری دیاریکردنی ڕێککەوتی 1-7 بۆ لەدایکبوونی بەشێکی عێراقییەکان چییە؟

ئاڤا نیوز

لە ناسنامەی بەشێکی خەڵکی عێراق، ڕێکەوتی 1-7 وەک ڕۆژی لەدایکبوون دیاری کراوە، ئەمە چیرۆکێکی لەدواوەیە.

زانیاریی بەدەستهاتوو: لە ڕەگەزنامەی باری شارستانیی سلێمانی، چیرۆکی دیاریکردنی ئەو ڕێکەوتە بۆ ئاڤا نیوز ئاوا باس کرا:

یەکەم سەرژمێریی زانستی لە 12-10-1957 ئەنجام دراوە، بەر لەوە سێ سەرژمێری دیکە ئەنجام درابوون، ئەو کاتە گرفتێک بۆ پڕۆسەکە هاتەپێش بەشی زۆری هاونیشتمانیان ڕێکەوتی لەدایکبوونیان دیار نەبوو، حکومەتی عێراق لەو ساڵە بە بڕیاری ژمارە (1)ی پشتبەستوو بە ماددەی (17)ی یاسای ڕەگەزنامەی عێراقی، بڕیاری دا ڕۆژی 1-7 وەک ڕیکەوتی لەدایکبوون دیاری بکات، چونکە ئەو ڕێکەوتە ناوەڕاستی  ساڵە.

ئەوەی پێویستە بیزانیت: بە پێی ڕێنماییەکان ئەو کەسەی ڕێکەوتی لەدایکبوونی دیار نەبێت لە ڕەگەزنامەی باری شارستانی، داوای (حوجە ولادە یان بەیان ولادە)ی لێدەکرێت، ئەگەر نەیبێت دەنێردرێت بۆ دادگە و بە فەرمی داوایەک پێشکەش دەکات تا ڕۆژێکی بۆ دیار بکرێت، دەتوانێت لەسەر خواستی خۆی ڕۆژێکی بۆ دابنرێت.

گۆشەیەكی دیكە: ئێستا بەهۆی ئەوەی بەشی هەرە زۆری منداڵ لە نەخۆشخانەکان لەدایک دەبن، لەکاتی تۆمارکردنی ڕێکەوتی لەدایکبوونیان تەنانەت کاتژمێری لەدایکبوونیش دەنووسرێت.