گۆڕانکاری لە چاپی نوێی کارتی نیشتمانییدا دەکرێت

ئاڤا نیوز  

بۆ یەکەمجار لە عێراق کارگەیەک بۆ دەرکردنی کارتی نیشتمانیی بەشێوەی ڕەنگاوڕەنگ کرایەوە، وەزارەتی ناوخۆی عێراق ڕایگەیاند ناتوانرێت ساختەکاری لەو کارتەدا بکرێت.

وێنە گەورەکە: کارتی نیشتمانیی کە جێگرەوەی سێ‌ بەڵگەنامە "ڕەگەزنامە، ناسنامەی باری شارستانی و كارتی زانیاری"یە پاڵپشت بە یاسای کارتی نیشتمانیی ساڵی 2016 لە عێراق کاری پێدەکرێت.

ڕاگەیێنراوی فەرمی: عەبدولئەمیر شەممەری، وەزیری ناوخۆی عێراق ڕایگەیاند: کردنەوەی ئەو کارگەیە دەستکەوتێکی گەورەیە، کە مسۆگەری خێرایی تەواوکردن و چاپکردنی کارتی نیشتمانیی دەکات و بە بوونی هێما ئەمنییەکانیش ساختەکاری تێدا ناکرێت".

زانیاریی زیاتر: ئەم کارگەیە کۆتایی بە قەیرانی دەرکردن یان دواخستنی کارتی نیشتمانی دەهێنێت و تا ئێستا زیاتر لە 39 ملیۆن کارتی نیشتمانی دەرکراوە، ئەو کارتەش بۆ ئەوانە دەردەهێنرێت کە کارتەکەیان بەسەر دەچێت.

ئەوەی پێویستە بیزانیت: لە عێراق 328 فەرمانگەی پرۆژەی کارتی نیشتمانیی لە هەموو پارێزگاکان هەن.