بەشێکی داهاتی نانەوتی مانگی سێ خرایە سەر هەژماری عێراق

ئاڤا نیوز

 

بەشێکی داهاتی نانەوتی هەرێمی کوردستان خرایە سەر هەژماری بانکی وەزارەتی دارایی عێراق کە بڕەکەی زیاترە لە 70ملیار دینار.

وێنە گەورەکە: وێڕای ئەوەی لیستی ناو و کۆد مووچەخۆرانی هەرێمی کوردستان بۆ مانگی حوزەیران بۆ بەغدا نێردراوە، بەڵام تاوەکو ئێستا وەزارەتی دارایی عێراق بڕیاری خەرجکردنی مووچەی بۆ هەرێمی کوردستان نەداوە.

ڕاگەیێنراوی فەرمی: وەزارەتی دارایی و ئابووری حکومەتی هەرێمی کوردستان بڵاویکردەوە: دوێنێ یەکەشەممە 30-06-2024، وەک پشکی گەنجینەی فیدراڵی لە داهاتی نانەوتی هەرێمی کوردستان بۆ مانگی ئازاری ساڵی 2024، خرایە سەر هەژماری بانکی وەزارەتی دارایی عێراق.  

زانیاریی زیاتر: بڕی ئەو پارەیە 70 ملیار و 131 ملیۆن و 250 هەزار دینار بووە و لەلایەن بەڕێوبەرایەتی گشتی ژمێرکاری وەزارەتی دارایی و ئابووری خرایە سەر هەژماری بانکی وەزارەتی دارایی حکومەتی عێراق لە لقی هەولێری بانکی ناوەندی عێراق.