هاتوچۆی هەولێر: زۆرترین هاووڵاتی لە بڕیاری لێخۆشبوونی سزا سوودمەندبوونە

ئاڤا نیوز

 

گوتەبێژی بەڕێوەبەرایەتیی هاتوچۆی هەولێر ڕایگەیاند، بە سیستەمی ئەلیکترۆنی لێخۆشبوون و سزاکان لە هاووڵاتیان وەردەگرین، تاوەکو ئێستا پێشوازی زۆری لێکراوە و زۆرترین هاووڵاتی لێی سودمەندبوون.

 

وێنە گەورەکە: حکومەتی هەرێمی کوردستان لەپێناو بەرژەوەندیی هاونیشتمانیان بڕیاری لێخۆشبوونی 20%ـی قەرزی ئاو و کارەبا و سزای هاتوچۆی دەرکرد، لەسەر داوای هاووڵاتیان بڕیارەکەی درێژکردەوە.

 

لێدوانی فەرمی: عەقید هێمن ئەمین، گوتەبێژی بەڕێوەبەرایەتیی هاتووچۆی هەولێر بە ئاڤا نیوزی گوت: ئەو خەڵکەی لەبەر کێشەی دارایی یان هەر هۆکارێکی دیکە نەیانتوانی لە شەش مانگی سەرەتا لە لێخۆشبوونەکە سوودمەند بن، ئێستا دەرفەتێکی دیکەیان پێدراوە.

زانیاریی زیاتر: بڕیاری لێخۆشبوونی 20%ـی سزای هاتوچۆ لە 28-3-2024 تا 28-9-2024 درێژ کراوەتەوە.