سەعدی پیرە: ئەوانەی دەستگیرکراون پێشتر لە یەکێتی دەرکراون و لەلایەن هێزێکی دیکە بەکارهێنراون

ئاڤا نیوز

 

گوتەبێژی یەكێتی ڕایدەگەیێنێت، ئەوانەی لەسەر سووتاندنی بازاڕەکانی هەرێمی کوردستان دەستگیرکراون، پێشتر لە یەکێتی دەرکراون و لەلایەن هێزێکی دیکە بەکارهێنراون.

 

وێنە گەورەکە: وەزارەتەکانی ناوخۆی هەرێمی کوردستان و عێراق دەستگیرکردنی "تۆڕێکی پەکەکەی سێ کەسی"یان بەتۆمەتی سووتاندنی بازاڕەکانی هەولێر، دهۆک و کەرکووک ڕاگەیاند، دوو لە دەستگیرکراوەکانیش کوردن، یەکێکیان سەرپەرشتیاری تۆڕەکە بووە، کاندیدی یەکێتی و ئەندامی هێزەکانی 70ـی یەکێتی بووە، یەکێکی دیکەشیان بە ناوی محەممەد نەجات حەسەن ئەفسەر بووە لە دژەتیرۆری یەکێتی.

 

لێدوانی فەرمی: سەعدی پیرە، گوتەبێژی یەكێتی ڕایگەیاند، "ئەو تۆمەتبارانەی لەسەر سووتاندنی بازاڕەکانی دەستگیرکراون، پێشووتر لە یەكێتی دەرکراون".

 

زانیاریی زیاتر: ئەو گرووپەی دەستگیرکراوە چەندین ئامانجیان هەبووە و بەپێی دانپێدانانی خۆیان پلانیان بۆ چەندین کردەوەی دیکەش داڕشتووە.  زیانی ئاگرکەوتنەوەکانیش لە شارەکانی  هەولێر و دهۆک و کەرکووک بە 300 ملیۆن دۆلار دەخەمڵێنرێت.