کۆمیسیۆن لەبارەی کارمەندانی سەر سندووق ڕێنمایی نوێ دەردەکات

ئاڤا نیوز

 

کۆمیسیۆنی هەڵبژاردنەکانی عێراق بۆ بەڕێوەبردنی هەڵبژاردنی پەرلەمانی هەرێمی کوردستان، پێویستی بە زیاتر لە 42 هەزار کارمەند هەیە و بۆ یەکەمجار دەرچووانی ئامادەیی دەتوانن ناوی خۆیان تۆمار بکەن.

 

وێنە گەورەکە: بڕیارە ڕۆژی 20-10-2024 هەڵبژاردنی پەرلەمانی هەرێمی کوردستان بە سەرپەرشتیی کۆمیسیۆنی باڵای هەڵبژاردنەکانی عێراق بەڕێوەبچێت.

 

لێدوانی فەرمی: جومانە غەلای، گوتەبێژی کۆمسیۆنی باڵای هەڵبژاردنەکانی عێراق بە ئاڤا نیوزی ڕاگەیاند، "کۆمیسیۆنی هەڵبژاردنەکانی عێراق پێویستیی بە زیاتر لە 42 هەزار کارمەند هەیە، بۆ بەڕێوەچوونی هەڵبژاردنی پەرلەمانی هەرێمی کوردستان".

 

زانیاریی زیاتر: لەبارەی دیاریکردنی بڕی پارەی کارمەندان، جومانە غەلای دەڵێت، ئەنجوومەنی کۆمیسیاران لە داهاتوودا دیاری دەکات.

 

ئەوەی پێویستە بیزانیت: کۆمیسیۆن لە ڕۆژی 4-7-2024 جارێکی دیکە بۆ ماوەی 19 ڕۆژ فۆڕمی خۆتۆمارکردن کارا دەکاتەوە، ئەوانەی داواکاری پێشکەش دەکەن پێویستە ڕۆژی لەدایکبوونیان لە سەرووی 1969 بێت و کەمترین تەمەن لەدایکبووانی 2005 دەتوانن فۆڕمەکە پڕبکەنەوە.

 

ئەمەش بزانە: بۆ یەکەمجار دەرچووانی ئامادەییش دەتوانن فۆڕمی بوون بە کارمەندی کۆمیسیۆن پڕبکەنەوە.