زیاتر لە سێ هەزار كچ و ژنی ئێزدی لە پرۆژەكەی سەرۆكوەزیران سوودمەند دەبن

ئاڤا نیوز

ئەمڕۆ سەرۆکوەزیران مەسرور بارزانی، پڕۆژەی پاڵپشتی دارایی بۆ ژنانی ئێزدی ڕزگاربووی دەستی داعش، ڕادەگەیێنێت، زیاتر لە سێ ھەزار کچ و ژنی ڕزگاربوو، لێی سوودمەند دەبن.

بۆچی گرنگە: ئەو پڕۆژەی سەرۆکوەزیران بارزانی هاوکارییەکی گرنگە، چونکە ھێشتا بەشێکی زۆری کوردانی ئێزدی لە کەمپەکاندا دەژین و پێویستییان بەوە ھەیە ھاوکاری بکرێن.

زانیاریی بەدەستهاتوو: لە پرۆژەکەی سەرۆکوەزیران بارزانیدا، زیاتر لە سێ ھەزار کچ و ژنی ڕزگاربووی ئێزدی دەستی داعش کە خەڵکی شنگال و دەوروبەرن، سوودمەند دەبن، ئەوان بەشێوەی مانگانە لە ڕێگای بنکەی لالشی ڕۆشنبیری و کۆمەڵایەتی ئێزدییەکانەوە، ئەم ھاوکارییە داراییە وەردەگرن.

ئەوەی پێویستە بیزانیت: چەکدارانی داعش لە ساڵی 2014 کاتێک هێرشیان کردە سەر شنگال شەش هەزار و 417 ئێزدییان ڕفاند، تا ئێستا سێ ھەزار و 575 کەس ڕزگار کراون.