پرۆژەکەی سەرۆکوەزیران بارزانی ژیانی ڕزگاربووان باشتر دەکات

ئاڤا نیوز

نوێنەری ڕزگاربووانی دەستی داعش ڕایگەیاند، پرۆژەی پشتگیری دارایی سەرۆکوەزیران بارزانی، ژیانی ڕزگاربووانی دەستی داعش باشتر دەکات.

وێنە گەورەکە: ئەمڕۆ لە هەولێر سەرۆکوەزیران بارزانی پرۆژەیەکی پاڵپشتی دارایی بۆ ڕزگاربووانی دەستی داعش ڕاگەیاند و زیاتر لە سێ هەزار کچ و ژن سوودمەند دەبن.

لێدوانی فەرمی: ئیمان عەبدوڵا، نوێنەری ڕزگاربووانی دەستی داعش لە گوتارێکدا گوتی: ئێستا کچ و ژنانی ڕزگاربوو پێویستیان بە چارەسەری دەروونی و گەڕاندنەوە بۆ خوێندن و هەلی کارە، ئەم پڕۆژەیەش لە چوارچێوەی ئەو هەوڵانەی سەرۆکوەزیران بارزانییە کە دەستی داوەتێ بۆ پشتیوانی لە ڕزگاربووان.

زانیاریی زیاتر: ئێمە داوا دەکەین سەقامگیری بۆ ناچەکانمان بگەڕێتەوە و شنگال ئاوەدان بکرێتەوە و  خەڵکی ئێمەش بتوانن بە سەربەزری بگەڕێنەوە، ڕوو لە حکومەتی عێراقیش دەکەین ڕێککەوتنی شنگال جێبەجێ بکات و خەڵکی ئێمە قەرەبوو بکرێنەوە.

لە لایەکی دیکەوە: سەعید جردو شنگالی، سەرۆکی دەستەی باڵای ڕۆشنبیری و کۆمەڵایەتیی بنکەی لالش ڕایگەیاند: سەرۆکوەزیران بارزانی بێ جیاوازی خزمەتی هەموو  پێکهاتەکانی هەرێمی کوردستان و ئێزدییەکان دەکات، حکومەتی هەرێمی کوردستان هەمیشە پشتیوان و هاوکاری کوردانی ئێزدی کردووە.