سەرۆک بارزانی لەبارەی پێنج خاڵ لەگەڵ ئیدارەی دەوڵەت کۆدەبێتەوە

ئاڤا نیوز

یەکێک لە کۆبوونەوەکانی سەرۆک بارزانی لە بەغدا لەگەڵ هاوپەیمانیی ئیدارەی دەوڵەت دەبێت، کە کۆمەڵێک پرس لەگەڵ لایەنە پێکهێنەرەکانی هاوپەیمانێتییەکە تاوتوێ دەکات و یەکێک لەوانەش جێبەجێنەکردنی بەشێک لە خاڵەکانی ڕێككەوتنی لایەنەكانە بۆ پێکهێنانی حکومەت.

وێنە گەورەکە: پێش پێکهێنانی حکومەتی ئێستای عێراق، پارتی دیموکراتی کوردستان و یەکێتیی نیشتمانیی کوردستان لە چوارچێوەی لایەنەکانی ئیدارەی دەوڵەت، کە زۆرینەی شیعە و سوننەکان لەخۆدەگرێت، لەسەر چەند خاڵێک ڕێککەوتن کە دەبێت حکومەتی عێراق جێبەجێیان بکات.

بۆچی گرنگە: لەم سەردانەیدا سەرۆک بارزانی گفتوگۆ لەسەر ئەو بابەتانە دەکات، کە پەیوەندییان بە مافە دەستوورییەکانی هەرێمی کوردستانەوە هەیە.

ئەوەی پێویستە بیزانیت: پێشتر پارتی لە چەند ڕاگەیێنراوێکدا نیگەرانیی خۆی لەبارەی جێبەجێنەکردنی خاڵەکانی ڕێککەوتنی پێکهێنانی حکومەتی عێراق دەربڕیوە و جەخت لەم خاڵانە دەکاتەوە:

-  گەرەنتیکردنی پاراستنی قەوارەی هەرێمی کوردستان.

- دڵنیاییدان لە زێدەڕۆیی نەکردن بۆ سەر دەسەڵاتەکانی هەرێمی کوردستان.

- هەموارکردنەوەی بودجە و دەرکردنی یاسای نەوت و گاز.

- پێکهێنانی ئەنجوومەنی باڵای فیدراڵی.

- گەرەنتیکردنی ناردنی شایستە داراییەکان و دەستپێکردنەوەی هەناردەی نەوتی هەرێمی کوردستان.