لە هەولێر نەشتەرگەرییەكی دەگمەن بۆ منداڵێک دەکرێت

ئاڤا نیوز

 

لە نەخۆشخانەی ڕاپەرینی فێرکاریی منداڵان لە هەولێر، نەشتەرگەرییەکی گەورە و دەگمەنبۆ منداڵێک كرا کە ماددەی پاککەرەوەی خواردبوویەوە و تووشی سووتانەوە ببووەوە.

 

چیرۆکی سەرەکی: چوار ساڵ لەمەوبەر، منداڵێكی 10 ساڵان بە هەڵە ماددەیەكی پاککەرەوەی خواردووە، بەمەش تووشی سووتان و تەسکبوونەوەی دەم و سورێنچک (ڕێرەوی خواردن) بووەتەوە، ئەو منداڵە بۆ ماوەیەکی زۆر توانای خواردنی نەبوو، جگە لە ئاو و شلەمەنی.

 

ئەوەی پێویستە بیزانیت: ئەمڕۆ پێنج شەممە لە نەخۆشخانەیی ڕاپەڕینی فێركاری منداڵان، توانرا كێشەكەی چارەسەر بكرێت و بەرزكردنەوەی گەدەی بۆ ئەنجام بدرێت، ئێستا منداڵەكە تەندروستیی جێگیرە و گەڕاوەتەوە ماڵەوە.

 

زانیاریی بەدەستهاتوو: هەشت پزیشک وەك تیمی تەندروستی، سەپەرشتی نەشتەرگەرییەكەیان كرد و توانرا بەسەرکەوتوویی کارەکە ئەنجام بدرێت.