لە دهۆک دوای نیوەڕۆ هەڵبژاردنی سەرۆکایەتیی ئێران بەرێوەدەچێت

ئاڤا نیوز

 

لە بەیانییەوە پڕۆسەی دەنگدان بۆ خولی دووەمی هەڵبژاردنی سەرۆکایەتیی کۆماری ئێران لە هەرێمی کوردستان دەستی پێکردووە، بەڵام لە دهۆک دوای نیوەڕۆ پڕۆسەکە دەستپێدەکات.

 

وێنە گەوەكە: ئەمڕۆ هەینی خولی دووەمی هەڵبژاردنی سەرۆکایەتیی ئێران بەڕێوە دەچێت؛ لە کاتژمێر هەشتی بەیانییەوە دەرگای بنکەکانی دەنگدان لە هەرێمی کوردستان بەڕووی دەنگدەرە ئێرانییەکان کرایەوە و تاوەکو کاتژمێر شەشی ئێوارە بەردەوام دەبێت.

 

زانیاریی بەدەستهاتوو: لە پارێزگای دهۆک دوای نیوەڕۆ هەڵبژاردنی خولی دووەمی سەرۆکایەتیی کۆماری ئێران دەستپێدەکات؛ سندووقەکە ماوەی کاتژمێرێک لە ئاکرێ دەبێت و دواتر سندووقەکە بۆ سەنتەری پارێزگای دهۆک دەگوازرێتەوە، تاکو ئێوارە دەنگدەران لە هەمان بنکەی هەفتەی ڕابردوو دەتوانن دەنگ بدەن.