شوێنەواری سەڵاحه‌ددین: به‌شێک له‌ ناوچه‌ شوێنه‌وارییه‌کان ‌ کاول بوون

ئاڤا نیوز

شوێنەواری سەڵاحه‌دین، رێژه‌ی ئەو زیانانەی ئاشکرا کرد کە به‌ هۆی ئۆپراسیۆنە سەربازییەکانه‌وه‌، به‌ر ناوچه‌ شوێنەوارییەکانی پارێزگاکە که‌وتووه‌.

لێدوانی فەرمی: سالم عەبدوڵڵا، بەڕێوەبەری شوێنەواری سەڵاحه‌ددین ڕایگه‌یاند: "بەهۆی شەڕی داعشەوە، 12 بۆ 13 ناوچەی شوێنەواری زیانی گه‌وره‌یان به‌رکه‌وتووه‌، شه‌ش ناوچه‌یان مێژووەکەی دەگەڕێتەوە بۆ سەردەمی ئاشوورییەکان".

ئەوەی پێویستە بیزانیت: پارێزگای سەڵاحه‌ددین 830 ناوچه‌ی شوێنەواری و مێژوویی لەخۆدەگرێت، دیارترینیان مەلویەی سامەرا و کۆشکی خەلافەتی عەبباسیه‌.

زانیاریی زیاتر: زۆرترین ناوچه‌ی شوێنه‌واری پارێزگاکه‌ ده‌که‌وێته‌ شارۆچکه‌ی شەرگاته‌وه‌ به‌ ڕێژەی 34% مه‌زە‌ندە ‌ده‌کرێت،  گرنگترینیان شاری ئاشووره‌ کە به‌سه‌نته‌ری شارستانییەتی ئاشورییه‌کان داده‌نرێت.