یەكەمین لێدوانی وەزیری دەرەوەی بەریتانیا لە بارەی غەززە بوو

ئاڤا نیوز

 

وەزیری نوێی دەرەوەی بەریتانیا یەكەم لێدوانی لەبارەی دۆخی غەززە بوو، ئەو دەڵێت "پشتیوانی ئاگربەستی دەستبەجێ لە غەززە دەكەین".

 

وێنە گەورەكە: وەزیری دەرەوەی نوێی بەریتانیا، پشتیوانی لە "ئاگربەستی دەستبەجێ" لە غەززە کرد، ئەوەش لە یەکەم هەڵوێستی خۆیدا دوای ئەوەی ئەمڕۆ وەك وەزیری دەرەوەی بەریتانیا دەستنیشانكرا.

 

لێدوانی فەرمی: دەیڤد لامی کە ڕۆژی پێنجشەممە دوای سەرکەوتنی پارتی كرێکاران لە هەڵبژاردن، وەزارەتی دەرەوەی گرتە ئەستۆ، ڕایگەیاند:"کار بۆ پشتیوانی لە ئاگربەستی دەستبەجێ (لە غەززە) و ئازادکردنی بارمتەکان دەکات".

 

زانیاریی زیاتر: "هەر شتێک لە توانامدابێت لەسەر ئاستی دیپلۆماسی دەیکەم بۆ یارمەتیدانی (سەرۆکی ئەمریکا) جۆ بایدن بۆ گەیشتن بە ئاگربەست". لامی وای گوتووە.

باكگراوند: دەیڤد لامی لە ساڵی 1972 لە ناوچەیەكی هەژارنشینی لەندەن لە باوك و دایكێكی ئەفریقی لەدایك بووە و هاوژینی هەیە و خاوەنی سێ منداڵە.