حکومەتی عێراق شەش ملیۆن تۆن گەنم لە جووتیاران دەکڕێت

ئاڤا نیوز 

وەزارەتی بازرگانیی عێراق، نزیکەی شەش ملیۆن تۆن گەنمی لە جووتیاران کڕیوە، پێشبێنیش دەکات ئەو ڕێژەیە زیاتر بێت.

وێنە گەورەکە: حکومەتی عێراق لە مانگی نیسانی ڕابردوو دەستی بە کڕینی گەنمی جووتیارانی خۆماڵی کرد و ڕایگەیاند ئەمساڵ دەگەنە ئاستی خۆبژێوی و بەشێکیشی بۆ دەرەوە هەناردە دەکەن.

لێدوانی فەرمی: نوری گەرعاوی، بەڕێوەبەری کۆمپانیای گشتیی بازرگانی دانەوێڵە سەر بە وەزارەتی بازرگانی ڕایگەیاند: زیاتر لە پێنج ملیۆن و زیاتر لە 900 هەزار تۆن گەنمی جووتیارانیان کڕیوە و پێشبینی دەکەن تا زیاتر لە شەش ملیۆن و 300 هەزار تۆن زیاتر بێت.

زانیاریی زیاتر: پێشتر نوری گەرعاوی ڕایگەیاند، بڕی گەنم بۆ ئەمساڵ دەگاتە حەوت ملیۆن و 800 هەزار تۆن، لە کاتێکدا پێویستی ڕاستەقینەی عێراق لەگەڵ ئەو گەنمەی هەڵگیراوە شەش ملیۆن تۆنە.

ئەوەی پێویستە بیزانیت: لەو بڕە عێراق تەنیا 700 هەزار تۆن گەنمی جووتیارانی هەرێمی کوردستان وەردەگرێت.