سەرۆکوەزیران بارزانی: پلانمان هەیە کارەبا بکەین بە 24 کاتژمێر

ئاڤا نیوز

سەرۆکوەزیران بارزانی  لەبارەی گرفتی کارەبا وەک کێشەیەکی گشتی لە هەموو کوردستان ڕایگەیاند، پلانیان هەیە بیکەن بە 24 کاتژمێری.

وێنە گەورەکە: سەرۆکوەزیران بارزانی لە دیدارێکدا لەگەڵ ژمارەیەک هاونیشتمانی سنووری پارێزگای سلێمانی کە ئەمشەو بەشی یەکەمی بڵاوکرایەوە، گوێی لە داخوازی و داواکاری و کێشەکانیان گرت و وەڵامی پرسیارەکانیانی دایەوە، یەکێک لە پرسیارەکانیش تایبەت بوو بە کارەبا.

لێدوانی فەرمی: سەرۆکوەزیران بارزانی گوتی: ئەگەرچی ژمارەی ئێستای دانیشتووان بەراورد بە سەرەتای ڕاپەڕین دووهێندە زیادی کردووە، بەڵام  بەرهەمهێنانی کارەبا 10 هێندە زیادی کردووە، ئینجا بەش ناکات، چونکە خواست لەسەر کارەبا زیاتر بووە.

زانیاریی زیاتر: سەرۆکوەزیران بەڵێنی چارەسەرکردنی کێشەکەی دا و گوتی: "پلانمان هەیە کارەبا بکەین بە 24 کاتژمێر، بەڵام بەڵێنی کاتەکەی نادەم، چونکە خەریکە کاری لەسەر دەکرێت تاوەکو زیاتر دڵنیا دەبین".