سەرۆكوەزیران بارزانی: مامۆستایان دڵنیا دەكەمەوە مافیان نافەوتێت

ئاڤا نیوز

 

سەرۆكوەزیران بارزانی لە وەڵامی یەكێک لە میوانەكانی گفتوگۆكەی سلێمانیدا دەڵێت. كە لێی دەپرسێت ئایندەی مامۆستایان چی لێدێت ڕایدەگەیێنێت، دڵنیاتان دەكەینەوە مافی مامۆستایان نافەوتێت و لەپشتیانین.

 

وێنە گەورەكە: سەرۆكوەزیران بارزانی لە گفتوگۆیەكی تایبەتدا لەگەڵ بەشێک لە دانیشتوانی سلێمانی باسی لە دۆخی پەروەردەكرد و بەڵێنی بە مامۆستایانی كوردستاندا كە مافەكانیان نافەوتێت و دەبێت مامۆستایانیش بیر لە پێگەیاندنی قوتابیان بكەنەوە.

 

لێدوانی فەرمی: سەرۆكوەزیران بارزانی ڕایگەیاند: پەروەردەكردن لە هەر كۆمەڵگەیەك دواكەوت كۆمەڵگەكە بەتەواوەتی دوادەكەوێت، هیچ شتێك شوێنی پەروەردە ناگرێتەوە، ئەگەر لایەنە سیاسییەكانیش یاری بە چارەنوسی خەڵك بكەن نابێت مامۆستایان ئەم كارەكە بكەن.

 

زانیاریی زیاتر: سەرۆكوەزیران بارزانی لە درێژەی قسەكانیدا گوتی: حكومەتی هەرێمی كوردستان  ئەوەی پێیبكرێت بۆ زیاتر خزمەتكردنی مامۆستایان و درێغی ناكات، هەرچی بكرێت بۆ مامۆستایان دەیكەن، مامۆستا داڕێژەری پەروەردەی وڵاتی ئێمەیە، مامۆستا دەبێت كارێكی وەها بكات كە قوتابی هەست بە خۆشەویستی و ئومێد و هیوا بكات.

 

ئەمەش بزانە: سەرۆكوەزیران بارزانی گوتیشی: ئەو  مامۆستایانەی كە بایكۆتیان كرد، هیودارم بایگۆت دووبارە نەكەنەوە و مامۆستایان دڵنیان دەكەینەوە قەت مافەكانیان نافەوتێت،  بڕوانن مامۆستایان پێنج مانگ بایكۆتیان كرد مافەكانیان نەفەوتا بەڵام كێ مافی ئەوقوتابیانە دەدات كە پێنج مانگ پەروەردەو فێركردنیان فەوتا؟.