لە کەرکووک سەگ چووەتە ناو ماڵێک و پێنج کەسی بریندار کردووە

ئاڤا نیوز

 

لە گەڕەکی شۆریجەی کەرکوک سەگ پەلاماری ئەندامانی خێزانێکی داوە و زامداری کردوون، لە گەڕەکێکی دیکە چەند کەسێکی دیکەی بریندار کردووە.

 

وێنە گەورەکە: چەند ساڵێکە بەهۆی زۆربوونی ژمارەی سەگی بێلانە لەناو شارەکان ڕێژەی ڕووداوەکانی پەلاماردانی سەگ زۆر بووە.

 

لێدوانی فەرمی: سامان یابە، بەڕێوەبەری ڕاگەیاندنی فەرمانگەی تەندروستیی کەرکووک بە ئاڤا نیوزی ڕاگەیاند: لە دوو گەڕەکی کەرکووک پەلاماردانی سەگ تۆمار کراوە، لە گەڕەکی شۆریجە سەگ چووەتە ناو ماڵێک سێ ئەندامی یەک خێزانی بریندار کردووە و منداڵێکی حەوت مانگی تێدایە، هاوکات لە گەڕەکی حوریەی کەرکووک بەهۆی پەلاماردانی سەگەوە پێنج کەسی دیکە بریندارن.

 

زانیاریی زیاتر: سامان یابە دەڵێت: ئەوانەی سەگ پەلاماری داون لە تەمەنی جیاوازن، سەرجەمیان هێنراون بۆ نەخۆشخانەی ئازادی کەرکوک، بەشێکیان برینەکەیان سەختە و بەشێکی دیکەیان تەندروستییان جێگیرە.