وەزارەتی پەروەردە: زیاتر لە 12 هەزار منداڵ گەڕێنراونەتەوە بەر خوێندن

ئاڤا نیوز 

وەزارەتی پەروەردەی حکومەتی هەرێمی کوردستان ڕایگەیاند، بەهاوکاری چەند ڕێکخراوێک توانراوە بەشێکی زۆر لەو منداڵانەی لە خوێندن دابڕاون بگەڕێنرێنەوە.

وێنە گەورەکە: بەشێک لە خێزانەکان بەهۆكاری دارایی و چەند هۆكارێكی دیكە توانای ئەوەیان نەبووە منداڵەکانیان بخەنە بەرخوێندن، یاخود ناهێڵن بخوێنن و کاریان پێ دەکەن.

ڕاگەیێنراوی فەرمی: وەزارەتی پەروەردەی حكومەتی هەرێمی كوردستان بڵاوی کردەوە: بە هاوکاری ڕێکخراوی یونیسێف و چەند ڕێکخراوێکی دیکەی نێوخۆیی و نێودەوڵەتی، بۆ ساڵی 2023-2024، توانراوە 12 هەزار و 334 منداڵ بگەڕێنرێنەوە بەرخوێندن.

ئەوەی پێویستە بیزانیت: لە کابینەی نۆی حکومەتی هەرێمی کوردستان توانراوە 26هەزار و 384 منداڵ بگەڕێنرێنەوە بەر خوێندن.

بۆچی گرنگە: بەپێی جاڕنامەی مافی مرۆڤ، مافی هەر منداڵێكە بخوێنێت.