هێڵفایەر؛ ئەو مووشەکەی ئەمریکا لە هێرشەکەی بەغدا بەکاریهێنا

ئافا دیجیتاڵ

هێڵفایەر چییە: یەکێکە لە بەهێزترین و پێشکەوتووترین مووشەکەکانی ئەمریکا. بۆ ئامانجە هەستیار و ورردەکان و لەنێوبردنی دوژمنە سەرسەخت و مەترسیدارەکانی بەکاری دەهێنێت.

کێی پێ کراوەتە ئامانج: لە کوشتنی هەریەک لە ئەیمەن زەواهیری، سەرکردەی ئەلقاعیدە، قاسم سولەیمانی، فەرماندەی فەیلەقی قودسی سوپای پاسداران، ئەبو موهدی موهەندیس، فەرماندەی حەشدی شەعبی و چەندین بەرپرسی دیکەی گرووپە چەکدارەکان بەکارهێنراوە.

مێژووی دروستکردنی: مووشەکەکە دروستکراوی کۆمپانیای لوکهێد مارتنە، لە ساڵی 1974 دروستکراوە و لە ساڵی 1984 خراوەتە خزمەتی سەربازی.

جۆرەکانی: هێڵفایەر چەند جۆرێکی هەیە، لەسەر چەندین سەکۆ و فڕۆکە بەکاردەهێنرێت، بەتایبەت فڕۆکە بێفڕۆکەوانەکان.

کێش و نرخی: کێشەکەی 45 کیلۆگرام و درێژییەکەی 180 سانتیمە، نرخی یەک دانەی 150 هەزار دۆلارە.

ئاستی زیرەکی: بەوە ناسراوە نزیکەی 100٪ی ئامانجەکەی دەپێکێت، بەبێ ئەوەی هیچ وێرانکارییەک لە دەوروپشتی دروست بکات.

ئاراستەکردنی: بە لێزەر و لەڕێگەی فڕۆکەی بێفڕۆکەوان ئاراستە دەکرێت و دەتوانێت تەنە کانزاییەکان و ئۆتۆمبێل و باڵەخانەکان ببڕێت و بگاتە ئامانجەکەی. 

خالە ئەرێنییەکانی: کەمترین تەقینەوەی هەیە و سەرەکەی شەش تیغ (شەفرە)ی تیژی پێوەیە،  چەند چرکەیەک پێش گەیشتن بە ئامانج دەکرێنەوە و شوێنی مەبەست وێران دەکات.

دوو سەرباز مووشەکێکی هێڵفایەر دەگوازنەوە، سەرچاوە: ماڵپەڕی میلیتری