پلەی گەرمی شەش پارێزگای عێراق لە نیوە کوڵان نزیک دەبێتەوە

ئاڤا نیوز 

لە دوو ڕۆژی داهاتوودا پلەکانی گەرما لە شارەکانی ناوەڕاست و باشووری عێراق زیاتر بەرزدەبنەوە، لە چەندین  ناوچە و پارێزگا لە نیوەی کوڵان نزیکدەبنەوە.

وێنە گەورەکە: لە وەرزی هاوین پلەکانی گەرما لە عێراق زۆر بەرز دەبنەوە، بەشێوەیەک عێراق دەبێتە یەکێک لە گەرمترین ناوچەکانی جیهان، حکومەتی عێراقیش بەوهۆیەوە دەوامی فەرمیی بە درێژایی هاوین کەمکردووەتەوە.

ڕاگەیێنراوی فەرمی: دەستەی کەشناسی عێراق ڕایگەیاند: "ڕۆژی چوارشەممە و پێنجشەممە پلەکانی گەرما بەرزدەبنەوە و لە چەندین پارێزگا دەگاتە نزیکەی نیوەی کوڵان".

زانیاریی زیاتر: لە پارێزگاکانی بەغدا، بەسرە، میسان، زیقار، موسەننا و بابل پلەکانی گەرما دەگاتە 49 پلەی سیلیزی.

ئەوەی پێویستە بیزانیت: لە ڕۆژانی هەینی و شەممە خۆڵبارین دروستدەبێت و پلەکانی گەرما بە جێگیری دەمێنێتەوە.