کتێبی نووسەرێکی کورد لەلایەن گەورەترین کۆمپانیای زانستییەوە بڵاودەکرێتەوە

ئاڤا نیوز

یەكێك لە گەورەترین كۆمپانیا زانستییەكان کتێبی نووسەرێكی كورد بڵاودەكاتەوە و نرخەكەی لە 300 دۆلارەوە دەستپێدەكات.

وێنە گەورەكە: كتێبی كۆدەكانی داینامیكییەتی هایدرۆكاربۆن لە ڕۆژهەڵاتی دەریای سپی، كتێبێكی زانستی و توێژنەوەی ئەكادیمیانەیە لە لایەن دكتۆر بەهرۆز جەعفەرەوە نوسراوە و كۆمپانیای ئیمراڵ پوڵیشین دوای ساڵ و نیوێك لە گفتوگۆ بڕیاریدا بە چاپكردن و بڵاوكردنەوەی لەسەرتاسەری جیهاندا.

ئەوەی پێویستە بیزانیت: ئەم كتێبە هەڵدانەوەی وەرچەرخانێکی ناوچەییە" بە پێی پلانی کۆمپانیا بڵاوکەرەوەکە".

ئەمەش بزانە: گرووپی ئیمڕاڵد، بارەگای سەرەکی لە بەریتانیا و ئەمریکا هەیە، لەساڵی 2024دا پێگەی 34 ە مین شوێنی وەرگرتووە لە بەریتانیا کە خەڵک سودێكی گەورەی لێوەردەگرن. 

باکگراوند: نوسەری کتێبەکە "بەهرۆز جەعفەر" ە گەنجێکی لەدایکبووی قەزای چەمچەماڵە، هەڵگری بڕوانامەی دکتۆرایە لە پەیوەندییە نێودەوڵەتییەکان، لە زانکۆی قوبرسی نێودەوڵەتی، نیکۆسیا بەدەستهێناوە.