هیومەن ڕایتس وۆچ لەسەر كۆڵبەرانی كورد ڕەخنەی تووند لە ئێران دەگرێت

ئاڤا نیوز

ڕێكخراوی چاودێری مافەكانی مرۆڤ، ڕەخنەی تووند لە حكومەتی ئێران دەگرێت و دەڵێت "لە سنووركان كورد دەكوژێت".

وێنە گەورەكە: بەشێكی زۆر لە دانیشتوانی ڕۆژهەڵاتی كوردستان بۆ پەیداكردنی قوتی ژیانیان لە سنووری نێوان هەرێمی كوردستان و ڕۆژهەڵاتی كوردستان كۆڵبەری دەكەن، بەڵام لەلایەن سوپای پاسدارانەوە تەقەیان لێدەكرێت و دەكوژرێن و بریندار دەکرێن.

ڕاگەیێنراوی فەرمی: ڕێكخراوی نێودەوڵەتی چاودێری مافەكانی مرۆڤ ڕایگەیاند: لە یەك ساڵدا سوپای پاسدارانی ئێران 44 كۆڵبەری لە نێوان سنوری ڕۆژهەڵاتی كوردستان و هەرێمی كوردستان بەتەقەی ڕاستەوخۆ كوشتووە.

ژمارەكان وا دەڵێن: بەپێی ئامارەكانی هیومان ڕایتس وۆچ لە یەك ساڵدا 44 كۆڵبەر لە سنووری نێوان هەرێمی كوردستان و ڕۆژهەڵاتی كوردستان كوژراون، لە یەك ساڵدا 463 كۆڵبەر بەسەختی برینداربوون، 28 كەس لەو كەسانەی بوونەتە قوربانی منداڵن.

زانیاریی زیاتر: بە گوتەی ڕێكخراوەكە هێزەكانی ئێران ئەشكەنجەی كۆڵبەرەكانیان داوە و زیندانیش كراون.