بەغدا و هەولێر هەوڵ دەدەن ڕێکارەکانی دەروازە سنوورییەکان یەکبخەن

ئاڤا نیوز

 

هەردوو حکومەتی عێراق و حکومەتی هەرێمی کوردستان هەوڵ دەدەن ڕێکار و سیاسەتەکانی دەروازە سنووری و گومرگەکان یەکخبەن و لەم پێناوەشدا لیژنەی هاوبەشیان پێکهێناوە.

 

وێنە گەورەکە: لیژنەی باڵای نێوان هەرێمی کوردستان و عێراق لە هەفتەی ڕابردوو کۆبوونەوەی دووەمیان کرد و چەند دۆسیەیەک باس کران لەوانەش ڕێکارەکانی یەکخستنی گومرگەکان و یەکخستنی ڕێکارەکانی دەروازە سنورییەکان.

 

لێدوانی فەرمی: عەبدولزەهرە هنداوی، گوتەبێژی وەزارەتی پلاندانان ڕایگەیاند، "ڕێکەوتن کرا  لەسەر پێهکێنانی لیژنەی تەکنیکی بۆ ئەوەی ڕاپۆرتی تایبەت لەسەر هەر تەوەرێک ئامادە بکات کە پەیوەندی بە ڕێکارەکانی یەکخستنی دەروازە سنووری و  گومرگییەکانەوە هەیە".

 

زانیاریی زیاتر: عەبدولزەهرە هنداوی گوتیشی: کەش و لێکتێگەیشتنی ئەرێنی لە کۆبوونەوەکەدا هەبوو، هەردوولا نیازیان هەیە سەرجەم دۆسیەکان یەکلابکرێنەوە و هەموو کێشەکان چارەسەر بکرێن کە لەنێوان بەغدا و هەولێردا هەن.