بڕیارێکی نوێ لەبارەی داشکاندنی کرێی خوێندن دەرکرا

ئاڤا نیوز

 

وەزارەتی خوێندنی باڵا و توێژینەوەی زانستی بڕیاریداوە، ئەمساڵیش کرێی خوێندنی پارالێل و ئێواران بەهەمان میکانیزمی ساڵی ڕابردوو بەردەوام بێت.

 

وێنە گەورەکە: ساڵانە بەر لە دەستپێکی وەرزی نوێی خوێندن، وەزارەتی خوێندنی باڵا و توێژینەوەی زانستی چەند بڕیارێک دەدات.

 

لێدوانی فەرمی: عەباس ئەکرەم، گوتەبێژی وەزارەتی خوێندنی باڵا و توێژینەوەی زانستی بە ئاڤا نیوزی ڕاگەیاند: بۆ ئەمساڵ بڕیاردراوە، بەهەمان میکانیزمی ساڵی پار داشکاندن لە کرێی خوێندنی پارالێلی زانکۆ بکرێت، هاوکات زانکۆکان ڕاسپێردراون دەرفەت بۆ زۆرترین قوتابیانی دەرچووی 12ـی ئامادەیی بڕەخسێنن بۆ وەرگرتن.

 

خاڵی ئەرێنی: بڕیاردراوە هیچ بڕە پارەیەک لە بەرامبەر مانەوەیان لە بەشە ناوخۆیی لە قوتابیانی خوێندنی باڵا وەرنەگیرێت کە 300 هەزار دینار دیاریکرابوو.

 

باکگراوند: بەگوێرەی ئامارەکان لە هەرێمی کوردستان 18 زانکۆی حکومی و 30 زانکۆ و پەیمانگەی تایبەت هەن.