هۆڵدکردنی بیتکۆین لەلایەن ئەڵمانیا وەبەرهێنەران نیگەران دەکات

ئاڤا نیوز

لە چەند هەفتەی ڕابردوودا حکومەتی ئەڵمانیا بە بەهای سەدان ملیۆن دۆلار بیتکۆینی فرۆشت، ئەمەش بووە هۆی دابەزینی بەهای دراوە ئەلیکترۆنییەکان و، نیگەرانکردنی بازرگانانی ئەو بازاڕە.

وێنە گەورەکە: بەگوێرەی زانیارییە بەدەستهاتووەکان حکومەتی ئەڵمانیا بە قەبارەی دوو ملیار دۆلار دراو بیتکۆینی هەیە. 

ئەوەی پێویستە  بیزانیت: مانگی ڕابردوو حکومەتی ئەڵمانیا بە بەهای 52 ملیۆن دۆلار بیتکۆینی فرۆشت، ئەو بڕە بیتکۆینە لە جزدانێکدا بووە لەلایەن پۆلیسی تاوانکاریی فیدراڵی وڵاتەکە خاوەنداری دەکرێت بە ناوی Bundeskriminalamt یاخود BKA. هەروەها لە هاککەرانی پێگەیەکی فیلم دەستی کەوتووە و ئێستا ئەو پێگەیە داخراوە.

زانیاریی زیاتر: هەفتەی ڕابردوو حکومەتی ئەڵمانیا سێ هەزار  بیتکۆینی دیکەی فرۆشت کە بەهاکەی نزیکەی 172 ملیۆن دۆلار بوو. ڕۆژی دووشەمەش پۆلیسی ئەڵمانیا دوو هەزار و 273 بیتکۆینی دیکەی بە بەهای 155 ملیۆن دۆلار فرۆشت.

کاریگەری و لێکەوتەکان: ناسەقامگیری بازاڕی ئاڵوگۆڕی دراوە ئەلیکترۆنییەکان وەبەهەرێنەران و بازرگانانی دووچاری دڵەڕاوکێ کردووە، بەشێوەیەک تەنها لە ماوەی یەک مانگی ڕابردوودا (7-6 بۆ 6-7) بەهای بیتکۆین لە 72 هەزار دۆلارەوە  بۆ 53 هەزار دۆلار دابەزی، ئێستاش بە 57 هەزار دۆلار مامەڵەی پێوە دەکرێت.