سزای لە سێدارەدان بۆ هاوژینەکەی بەغدادی دەرچوو

ئاڤا نیوز

 

بڕیاری لە سێدارەدان بۆ هاوژینەکەی ئەبوبەکر بەغدادی، دامەزرێنەری ڕێکخراوی داعش دەرچوو کە تۆمەتبارە بە دەستبەسەرکردنی کچانی ئێزدی.

 

وێنە گەورەکە: دادگەی تاوانەکانی کەرخ لە بەغدا بڕیاری لەسێدارەدانی بۆ یەکێک لە هاوژینەکانی ئەبوبەکر بەغدادی، سەرۆکی پێشووتری ڕێکخراوی داعش دەرکرد. 

 

ڕاگەیێنراوی فەرمی: ئەنجوومەنی باڵای دادوەریی عێراق ڕایگەیاند، "تیرۆریستەکە ئەو ژنە ئێزیدییانەی لە ماڵەکەی خۆیدا دەستبەسەرکردووە کە لەلایەن چەکدارانی داعشەوە لە قەزای شنگال لە خۆرئاوای پارێزگای نەینەوا ڕفێنرابوون". 

 

زانیاریی زیاتر: ناوی ئەسما محەممەدە و خێزانی ئەبوبەکر بەغدادییە، تۆمەتبار بوو بەوەی مامەڵەی  تووند و خراپی لەگەڵ کچانی کوردی ئێزدیی کردووە.