پێشەوا هەورامانی: ئەم کابینەیە کابینەی خۆڕاگری و بەردەوامی بوو

ئاڤا نیوز

 

گوتەبێژی حکومەتی هەرێمی کوردستان ڕایدەگەیێنێت، سەرەڕای ئاستەنگ و قەیرانە دروستکراوەکان، کابینەی نۆ خۆڕاگر و بەردەوام بوو.

 

وێنە گەورەکە: ڕۆژی 10-7-2019 و پێنج ساڵ لەمەوبەر، سەرۆکوەزیران بارزانی لە پەرلەمانی کوردستان سوێندی یاسایی خوارد و کابینەی نۆی حکومەتی پێکهێنا.

 

لێدوانی فەرمی: پێشەوا هەورامانی ڕایگەیاند: ئەم کابینەیە، کابینەی خۆڕاگری و مانەوە و بەردەوامی بوو، لەبەردەم قەیرانە دروستکراو و سرووشتی و سیاسییەکان دا، بەڵام خەڵکی کوردستان لە هەموو دۆخە سەختەکان باوەڕیان بە ئیرادەی سەرۆکوەزیرانەکەیان هەبوو، ئەمەش بوو بە وزە و پاڵپشتی بۆ مانەوە و بەردەوامیی سەرۆکوەزیران بارزانی.

 

زانیاریی زیاتر: پێشەوا هەورامانی ئەوەشی گوت، دڵنیام ئەو فشارە دارایی و سیاسی و پیلانگێڕیانەی بۆ سەرۆکوەزیران بارزانی لە پێنج ساڵی ڕابردوودا لە ئارادابوو، بۆ هەر کەسێکی دیکە بوایە، ڕەنگە ئێستا بینەری دۆخێکی دیکەبان.