دەم پارتی لە جۆڵەمێرگ داوای هەڵبژاردن دەکات

ئاڤا نیوز

 

تونجەر بەکرهان، هاوسەرۆکی دەم پارتی داوای هەڵبژاردن دەکات بۆ دیاریکردنی سەرۆکی نوێی شارەوانیی جۆڵەمێرگ.

 

بۆچی گرنگە: دەم پارتی دڵنیایە لەوەی ئەگەر هەڵبژاردن بکرێت لە جۆلەمێرگ براوە دەبێت.

 

وێنە گەورەکە: پرسی لابردنی سەرۆک شارەوانییەکانی دەم پارتی و دانانی قەییوومەکان لەلایەن دەسەڵاتەوە بەردەوامە، دوای لابردنی سەرۆک شارەوانیی جۆلەمێرگ، دەم پارتی داوای ئەنجامدانی هەڵبژاردن بۆ دیاریکردنی سەرۆک شارەوانیی نوێ دەکات. 

 

لێدوانی فەرمی: تونجەر بەکرهان گوتی: واز لە دانانی قەییوەم بێنن، ئەگەر بوێری ئەوەتان هەیە لە هەڵبژاردنەکان دەنگی خەڵک بەدەست بێنن، وەرن هەڵبژاردن بکەین، ئێمە هەموو کاتێک بۆ هەڵبژاردن ئامادەین.

 

ئەوەی پێویستە بیزانیت: لە دوای هەڵبژاردنەکانی 31ـی ئادار و بردنەوەی 10 شارەوانی لەلایەن دەم پارتی، سەرۆک شارەوانیی وان و جۆلەمێرگ لادران و قەییووم لە شوێنیان دانرا؛ دەم پاری شارەوانیی وانی وەرگرتەوە و لە هەوڵدایە جۆلەمێرگ بە هەڵبژاردن وەربگرێتەوە.