داخستنی سەرجەم کەمپی ئاوارەکان لە سلێمانی ڕاگەیێنرا

ئاڤا نیوز

وەزارەتی کۆچ و کۆچبەرانی عێراق داخستنی سەرجەم کەمپی ئاوارەکانی لە پارێزگای سلێمانی ڕاگەیاند. ئاماژە بە بوونی هاوکاریش لەنێوان وەزارەتەکەیان و حکومەتی هەرێمی کوردستان دەکات لەپێناو داخستنی کەمپەکان لە هەردوو پارێزگای هەولێر و دهۆک.

وێنە گەورەکە: ئەمڕۆ پێنجشەممە دوا کاروانی ئاوارەکانی نیشتەجێی کەمپەکانی سنووری پارێزگای سلێمانی گەڕانەوە زێدی خۆیان، بەمەش سەرجەم کەمپی ئاوارەکان داخران.

لێدوانی ڕۆژنامەوانی: ئیڤان فایەق جابرۆ، وەزیری کۆچ و کۆچبەرانی عیراق ڕایگەیاند: " بە پشتبەستن بە ڕێنماییەکانی سەرۆکوەزیران و بڕیاری ئەنجوومەنی وەزیرانی عێراق، ئەمڕۆ داخستنی سەرجەم کەمپەکانی پارێزگای سلێمانی ڕادەگەیێنین".

ژمارەکان وادەڵێن: پێشتر دوو هەزار و 500 خێزان لە کەمپەکانی سنووری پارێزگای سلێمانی هەبوون، هەزار و 800 خێزان گەڕاونەتەوە، نزیکەی 700 خێزانیش لە سلێمانی جێگیر بوون.