چەند تۆمەتبارێک بە چەک و تەقەمەنییەوە لە هەولێر دەستگیرکران

ئاڤا نیوز 

بەڕێوەبەرایەتی پۆلیسی پارێزگای هەولێر ڕایگەیاند، لە ئۆپەراسیۆنێکدا دەستیان بەسەر چەندین پارچە چەک و تەقەمەنیدا گرتووە و 12 تۆمەتباریشیان دەستگیر کردووە.

بڵاوکراوەی فەرمی: بەڕێوەبەرایەتی پۆلیسی پارێزگای هەولێر ڕایگەیاند: دوای ئەوەی لەلایەن هاووڵاتیانەوە ئاگادار کراینەوە کە لە شوێنێکی شاری هەولێر بە شێوەیەکی نایاسایی مامەڵە بە کڕین و فرۆشتنی چەکەوە دەکرێت، دەستبەجێ تیمەکانمان لە بەڕێوەبەرایەتی پۆلیسی پارێزگای هەولێر دەستیان بە لێکۆڵینەوە کرد.

ئەوەی پێویستە بیزانیت: پاش لێکۆڵینەوەیەکی ورد و کۆکردنەوەی زانیاری لەسەر ئەو شوێنە، ئۆپەراسیۆنێکمان بۆ سەر ئەو شوێنە ئەنجامدا و توانیمان دەست بەسەر چەندین جۆر پارچە چەکدا بگرین، چەندین کەلوپەلی سەربازیی دیکە و ژمارەیەک ئۆتۆمبێلدا گرت.

زانیاریی زیاتر: 12 تۆمەتبار دەستگیرکران، کە مامەڵەیان بە چەکی نایاساییەوە دەکرد.