ماڵێکی دیکە بۆ خاوەن پێداویستییە تایبەتەکانی سۆران دەکرێتەوە

ئاڤا نیوز

 

دەزگای خێرخوازی بارزانی کۆمەڵگەیەک پەیوەست بەو خێزانانە دەکاتەوە کە منداڵی خاوەن پێداویستیی تایبەتیان هەیە، خزمەتگوزاری و چارەسەریان پێشکەش دەکرێت.

 

وێنە گەورەکە: دروستکردنی پڕۆژەکە زیاتر لە 720 ڕۆژی خایاندووە و لە ئایندەیەکی نزیک دەکرێتەوە، جگە لە خاوەن پێدوایستیی تایبەتی دەبێتەوە ناوەندێک بۆ کۆکردنەوەی بەساڵاچووان.

 

لێدوانی فەرمی: مووسا ئەحمەد، سەرۆکی دەزگای خێرخوازی بارزانی بە ئاڤا نیوزی گوت، جگە لە پێشکەشکردنی سەرجەم خزمەتگوزارییەکان لێرە، لەگەڵ ڕێکخراوە نێودەوڵەتییەکان هەماهەنگی دەکەین، بۆ ناردنە دەرەوەی ئەو کەسانەی  کە لە هەرێمی کوردستان چارەسەریان نییە".

 

ئەوەی پێویستە بیزانیت: لە کۆمەڵگەی دایک لە هەموو بوارەکان هاوکاری پێشکەش دەکرێت، سەرجەم خزمەتگوزارییەكانی ژیانی لێ دابین كراوە، لەنێویشیدا سەنتەرێکی تایبەت بە ئۆتیزم دەبێت.