سوودانی ئەفسەرێکی باڵای سوپا دووردەخاتەوە

ئاڤا نیوز 

سەرۆکوەزیرانی عێراق فەرماندەیەکی باڵای سوپای عێراق دووردەخاتەوە و دەستکاری پۆستە باڵاکانی سوپاش دەکات.

وێنە گەورەکە: محەممەد شیاع سوودانی، سەرۆکوەزیرانی عێراق و هاوکات فەرماندەی گشتی هێزە ئەمنییەکانی عێراقە، گۆڕانکاری لە پۆستەکانی سوپای عێراق دەکات و ژمارەیەک فەرماندەی باڵا لە پۆستەکانیان دووردەخاتەوە.

زانیاریی بەدەستهاتوو: سەرچاوەیەکی ئەمنیی بە میدیاکانی عێراقی گوتووە:" سوودانی فەرمانی کردووە لیوا ڕوکن شوکر نوعەیمی، فەرماندەی فیرقەی 14ی سوپای عێراقی لە پۆستەکەی دووربخرێتەوە". 

ئەوەی پێویستە بیزانیت: ئەو لیوایە لە مانگی نیسانی ساڵی ڕابردوو وەک فەرماندەی فیرقەی 14ی سوپای عێراقی دەستبەکاربووە.