گەنجان بەشێکی گرنگی کارنامەی کابینەی نۆیەمی حکومەتی هەرێمی کوردستان پێکدەهێنن

ئاڤا نیوز

لەماوەی تەمەنی کابینەی نۆیەمدا گرنگی بە توێژی گەنجان و پێشخستنی تواناکانیان دراوە، ئەمڕۆش زیاتر لە چوار هەزار گەنجی بەشداربوو لە خولێكی شەش بڕوانامە وەردەگرن.

وێنە گەورەکە: لە ماوەی ئەم کابینەیەی حکومەتی هەرێمی کوردستاندا زیاتر لە 100 هەزار هەلی کاری ڕاستەوخۆ و دەیان هەزار هەلی کاری ناڕاستەوخۆ بۆ هاووڵاتییان ڕەخسێنراوە. جگە لەوەی زیاتر  لە 20 هەزار گەنج  لە نزیکەی 700 خولی جیاجیادا بەشداربوون 51% لە ڕەگەزی مێ و   49%یان  لە ڕەگەزی نێر بوون.

نووسراوەی فەرمی: لە کارنامەی کابینەی نۆیەمی حکومەتی هەرێمی کوردستان هاتووە: "گەنجانمان سەرمایەیەکی نیشتیمانیی گەورە و کاریگەری مرۆیین و ئایندەسازی وڵاتەکەمانن. بۆیە لە میانەی کار و بەرنامەی گشت وەزارەتەکان، کار دەکەین بۆ بەکارخستن و ئاراستەکردنی تواناکانیان بەرەو بونیادنانی کۆمەڵگەیەکی تەندروست و پێشکەتوو، کە ئایندەیەکی گەشتر بۆ وڵات فەراهەم بکات."

ئەوەی پێویستە بیزانیت: لەماوەی شەش مانگی ڕابردوودا ئۆفیسی دەستپێشخەری و پەیوەندییەکان ڕاهێنانی بە هەزاران قوتابی زانکۆ لە هەرێمی کوردستان و گەنجانی تاراوگە کردووە، ئەمڕۆ بڕوانامەی بەشداریکردن دەبەخشێتە لە چوار هەزار و 200 گەنجی نێوخۆ و دەرەوە.