پێشەوا هەورامانی: هیچ بەربەستێک لەبەردەم ناردنی مووچەی هێزە ئەمنییەکان نەماوە

ئاڤا نیوز

گوتەبێژی حکومەتی هەرێمی کوردستان ڕایگەیاند" هیچ ڕێگریەک لەبەردەم مووچەی هێزە ئەمنییەکان نەماوە".

وێنە گەورەکە: دابەشکردنی مووچەی مانگی شەشی مووچەخۆرانی هەرێمی کوردستان تەواوبووە، بەڵام تا ئێستا پێشمەرگە و هێزە ئەمنییەکان مووچەی مانگەکانی پێنج و شەشیان وەرنەگرتووە.

لێدوانی فەرمی: پێشەوا هەورامانی، گوتەبێژی حکومەتی هەرێمی کوردستان بە ئاڤا نیوزی گوت:"هەموو دەرگاکان بۆ دیوانی چاودێری حکومەتی فیدرال کراونەتەوە و ئەوەی دەربارەی زانیاریی لەسەر مووچەخۆران داوایانکردووە خراوەتە بەردەستیان، بۆیە هیچ ڕێگریەک لەبەردەم مووچەی هێزە ئەمنییەکان نەماوە".

خاڵە ئەرێنییەکان: دوای هەوڵەکانی سەرۆکوەزیران بارزانی، سەرۆکوەزیرانی عێراق بۆ چارەسەری کێشەی مووچەی هێزە ئەمنییەکان، سەرۆکوەزیرانی عێراق وەزارەتی دارایی ڕاسپاردووە بە خەرجکردنی پارەکە.