ئەسپێک لە کاروانێکی حوسێنییە هەڵدێت و حەوت کەس بریندار دەکات

ئاڤا نیوز

لە پارێزگای دیوانیەی باشووری عێراق، ئەسپێک لە کاروانێکی سەردانکەرانی حوسێنییە هەڵدێت و حەوت کەس بریندار دەکات.

وێنە گەورەکە: شیعەمەزهەبەکان یادی چلەی ماتەمینی ئیمام حوسێن دەکەنەوە، بەو بۆنەیەوە هەزاران شیعە لە عێراق و سەرانسەری جیهان ڕوودەکەنە کەربەلا و بەشداری ڕێوڕەسمەکە دەکەن.

چیرۆکی سەرەکی: میدیا عێراقییەکان بڵاویانکردەووەتەوە: ئەسپێک لە یەکێک لە کاروانەکانی حوسێنییە لە قەزای عەفەکی ڕۆژهەڵاتی دیوانیە لە کاتی نمایشدا هەڵاتووە و بووەتە هۆی برینداربوونی حەوت کەس کە برینی دووانیان سەختە.

زانیاریی زیاتر: تیمە پزیشکییەکان چارەسەری پێویستیان بە بریندارەکان داوە و گوازراونەتەوە بۆ نەخۆشخانە، لە بەرامبەردا هێزە ئەمنییەکان توانیانە کۆنتڕۆڵی ئەسپە هەڵاتووەکە بکەن.