لە هێرشێکی داعش بۆ سەر کەرکوک کارمەندێکی ئاسایش شەهید دەبێت

ئاڤا نیوز

 

 

دوو چەکداری ڕێکخراوی داعش، بە ئامانجی کردنی چەند چالاکییەک لە سنووری پارێزگای کەرکووک هێرش دەکەن و کارمەندێکی ئاسایش شەهید دەبێت.

 

چیرۆکی سەرەکی: کاتژمێر 08:00ـی بەرەبەیانی ئەمڕۆ یەکشەممە 14-07-2024، دوو چەکداری داعش لە بۆشایی ئەمنیی نێوان سووپای عێراق و هێزەکانی پێشمەرگە، دزە دەکەنە نێو ناحییەی قەرەهەنجیر و لەگەڵ هێزەکانی ئاسایش ڕووبەڕوو دەبنەوە.

 

لێدوانی فەرمی: ئاڤێستا شێخ محەممەد، بەڕێوەبەری ناحیەی قەرەهەنجیر بە ئاڤا نیوزی گوت، "لە ئەنجامی هێرشەکە یەکێک لە چەکدارەکان کوژراوە و یەکێکی دیکە دەستگیرکراوە و دوو کارمەندی ئاسایش بریندار بوون کە یەکێکیان بەهۆی سەختی برینەکەیەوە شەهید بوو."

 

زانیاریی زیاتر: ئەو دوو چەکدارە بە جلوبەرگی مەدەنییەوە هێرشیان کردووە بۆ ئەوەی نەناسرێنەوە و چالاکییەکەیان بەئاسانی بکەن. بەڕێوەبەری ناحییەی قەرەهەنجیر وایگوت.