گه‌شتی ئاسمانیی ڕاسته‌وخۆ لە نێوان هه‌ولێر و تونس ده‌ستپێده‌كات

ئاڤا نیوز

بۆ یەكەمجار گه‌شتی ئاسمانیی ڕاسته‌وخۆ لە نێوان هه‌ولێر و تونس ده‌ستپێده‌كات و هەفتانە دوو گەشت دەکرێن.

وێنە گەورەکە: مانگی ڕابردوو تونس ڤیزای لەسەر هاووڵاتیانی عێراق هەڵگرت، ئەمەش دەبێتە هۆکارێک بۆ ئەوەی لەمەودوا خەڵکی عێراق زیاتر سەردانی ئەو وڵاتە بکەن بەتایبەت بۆ گەشتکردن.

بۆچی گرنگە: سنووری گەشتەکانی فڕۆکەخانەی نێودەوڵەتیی هەولێر فراوانتر دەبێت، کارئاسانییە بۆ ئەو هاووڵاتیانەی دەیانەوێت لە هەرێمی کوردستان گەشت بۆ تونس بکەن، لە ڕووی ئابووریی و بازرگانیشەوە بۆ هەرێمی کوردستان و بە دیاریکراوی بۆ هەولێر گرنگە.

لێدوانی فەرمی: ئه‌حمه‌د هۆشیار، به‌ڕێوه‌به‌ری گشتیی فڕۆكه‌خانه‌ی هه‌ولێر بە ئاڤا نیوزی گوت: ئەمڕۆ یەكەم گەشت لە هەولێرەوە دەبێت بۆ فڕۆكخانەی بەغدا، لەوێشەوە بۆ تونس، بەڵام ڕۆژانی داهاتوودا گەشتەكان ڕاستەوخۆ لە هەولێرەوە بۆ تونس دەکرێن و هەفتانەش دوو گەشتمان دەبێت.

ئەمەش بزانە: ئێستا فڕۆکەخانەی نێودەوڵەتیی هەولێر 21 گەشتی ڕاستەوخۆی لەگەڵ وڵاتانی عەرەبی و ئەوروپی هەیە.