زیاتر لە 100 کاسبکاری بازاڕی قەیسەری و لەنگە سکاڵایان تۆمارکردووە

ئاڤا نیوز

 

لە ماوەی دوو هەفتەدا زیاتر لە 100 کاسبکاری بازاڕی قەیسەری و لەنگەی هەولێر، سکاڵایان دژی بکەرانی سووتاندنی بازاڕەکە تۆمارکردووە.

 

وێنە گەورەکە: سەرەتای ئەم مانگە، لە کۆنگرەیەکی ڕۆژنامەوانیی هاوبەشی هەردوو وەزارەتی ناوخۆی هەرێمی کوردستان و عێراق، دەستگیرکردنی سێ کەس بە تۆمەتی سووتاندنی بازاڕەکانی هەولێر، دهۆک و کەرکووک ڕاگەیێنرا.

 

لێدوانی فەرمی: نەبەز عەبدولحەمید، قایمقامی قەزای ناوەندیی هەولێر بە ئاڤا نیوزی گوت، "120 دوکاندار و کاسبكاری بازاڕی لەنگە و قەیسەریی شاری هەولێر دژی سووتاندنی دووکانەکانیان سکاڵای یاساییان تۆماركردووە."

 

باکگراوند: لە ماوەی سێ مانگی ڕابردوودا، چەند جارێک ئاگر لە بازاڕەکانی قەیسەری و لەنگە لە هەولێر، بازاڕی قەیسەری کەرکووک و بازاڕی چەلێی دهۆک کەوتەوە و لە هەر بازاڕێکدا سەدان دووکان سووتان، سێ تۆمەتبار لەسەر ئەو ڕووداوانە دەستگیرکراون.