لە کەلار ئۆتۆمبێلی بەرپرسی لقی پارتی "تەقێنرایەوە"

ئاڤا نیوز

 

ئۆتۆمبێلی ئەکرەم ساڵح، بەرپرسی لقی 22ی پارتی دیموکراتی کوردستان لە کەلار لەبەردەم ماڵەکەیدا "تەقییەوە".

 چیرۆکی سەرەکی: کاتژمێر 9:15 خولەکی ئەمڕۆ بەیانی ئەکرەم ساڵح، بەرپرسی لقی 22ی پارتی دیموکراتی کوردستان لە کەلار کاتێک ویستوویەتی  لە ماڵ بچێتە دەرەوە، ئۆتۆمبێلەکەی سووتا، خۆیشی دەڵێت گومان دەکات تەقێنرابێتەوە.

زانیاریی تایبەت؛ ئەکرەم ساڵح خۆی سەلامەتە و دوای کوژاندنەوەی ئۆتۆمبێلەکەی بە بەرگریی شارستانی کەلاری گوتووە: "گومان دەکەن ئۆتۆمبێلەکەی لەڕێگەی بۆمبەوە تەقێنرابێتەوە، چونکە کاتێک لەگەڵ پاسەوانەکانی لە ئۆتۆمبێلەکە سەرکەوتوون ئینجا تەقیوەتەوە، بەهۆیەوە خۆی و شۆفێرەکەی و پاسەوانێکی  بەسووکی بریندار بوون، جامی ماڵەکەیشی شکاوە".

لە پەیامنێرەوە: بەختیار عومەر، پەیامنێری ئاڤا نیوز لە کەلار ڕایگەیاند، قسەی لەگەڵ ئاسایش کردووە و پێیان ڕاگەیاندووە تاوەکو ئێستا هیچ زانیارییەک پشتڕاست نەکراوەتەوە لەڕێگەی بۆمبی لکێنراوەوە بووبێت یاخود سووتابێت.

لێدوانی فەرمی: محەممەد نەجمەدین، سكرتێری ئەكرەم ساڵح بە ئاڤا نیوزی گوت:  "لە ڕووداوەکەدا كاك ئەكرەم خۆی و دوو پاسەوانی بەسووکی بریندار بوون".