کارەبای 24 کاتژمێری بۆ چەند شەقامێکی سلێمانی دابین دەکرێت

ئاڤا نیوز

 

بە پرۆژەیەک کارەبای 24 كاتژمێری بۆ چەند شەقامێكی شاری سلێمانی دابین دەكرێت کە بڕیارە لە ماوەی 185 ڕۆژدا كارەكانی تەواو بکرێت.

 

بۆچی گرنگە: پرۆژەکە دەبێتە هۆی ڕووناککردنەوەی شەقامەکان و کارئاسانی هاتوچۆی شەوانەی هاونیشتمانییان، هەروەها سیمایەکی جوانیش بە شارەکە دەبەخشێت.

 

ڕاگەیێنراوی فەرمی: بەڕێوەبەرایەتیی گشتیی كارەبای سلێمانی لە ڕاگەیێنراوێكدا دەڵێت، لە ‌چوارچێوەی پڕۆژەكانی بەڕێوەبەرایەتییەكەیاندا و لەسەر بودجەی داهاتی 8%ـی كارەبا، بەبڕی زیاتر لە 105 ملیۆن دینار، پڕۆژەیەكی كارەبا لە ‌سلێمانی جێبەجێ دەكرێت کە بڕیارە لە ماوەی 185 ڕۆژدا تەواو بکرێت.

 

زانیاریی زیاتر: پرۆژەکە بریتییە لە دانانی كویسک لە قڕگە بۆ ڕووناكی لەسەر فیدەری 128ـی بەردەوام، گەیاندنی كارەبای بەردەوام بۆ شەقامەكانی میتران، مامۆستایان و ئیسكان کە کارەبای 24 کاتژمێری بۆ ئەو شەقامانە دابین دەکات.