ئەمریكا لەبارەی كارەباوە داوای ڕێككەوتن لە هەرێمی كوردستان و عێراق دەكات

ئاڤا نیوز

ئەمریكا داوا لە هەرێمی كوردستان و عێراق دەكات لەبارەی كارەباوە ڕێككەوتنێكی درێژخایەن واژۆ بكەن، بەمەبەستی چارەسەرکردن و پەرەپێدانی کەرتی کارەبا و وەبەرهێنانی زیاتر لە کەرتی کارەبا.

وێنە گەورەكە: کەمال محەممەد، وەزیری کارەبای حکومەتی هەرێمی کوردستان پێشوازی له‌ ( ئەلێکس بێلا ) كۆنسوڵی ئابووری کونسوڵخانەی ئەمریکا لە هەرێمی کوردستان كرد، جەختی لەسەر پەرەپێدانی غازی سرووشتی کردەوە کە بۆ خزمەتکردنی ژێرخانی وزە لەهەرێمی کوردستان گرنگە.

ڕاگەیێنراوی فەرمی: كۆنسوڵی ئابووری ئه‌مریكا، پرسی نەوت و غازی سرووشتی هەرێمی کوردستان  بۆ وڵاتەکەی بە پرسێکی گرنگ زانی و هیواشی خواست هەردوو حکومەتی فیدراڵی و حکومەتی هەرێمی کوردستان، لە هەوڵەکانیان بەردەوام بن بۆ هاریکاری و هاوکاری  زیاتری یەکتر.

بابەتی ستراتیژی: کونسوڵی ئابووری ئەمریکا سوپاسی وەزارەتی کارەباو سامانە سروشتییەکانی کرد کە توانیویانە هەماهەنگی لە نێوان کەرتی گشتی و تایبەت ڕێکخەن و بەسەر ئاستەنگەکاندا سەربکەون، هاوکات "بەباشی دەزانن هەرێمی کوردستان لەکەرتی کارەبا لەگەڵ حکومەتی عێراقی فیدراڵ ڕێککەوتنی درێژخایەن واژۆ بکەن و هاوکارو هەماهەنگ بن بۆ پەرەپێدانی کەرتی کارەبا و وەبەرهێنانی زیاتر لە کەرتی کارەبا بکرێت".