وەزیری بەرگریی تورکیا: بۆ بەرەنگاربوونەوەی پەکەکە لەگەڵ بەغدا هەماهەنگین

ئاڤا نیوز

 

وەزیری بەرگریی تورکیا لە پرسی پێکەوەکارکردنی ئەنقەرە و بەغدا بۆ بەرەنگاربوونەوەی پەکەکە ڕایدەگەیێنێت، ئەوانەی بەمە ناڕەحەتن باش بزانن تووشی بێهیوایی دەبن.

 

بۆچی گرنگە: قسەکانی وەزیری بەرگری لەکاتێکدایە، تورکیا ئامادەکاری بۆ "دەستپێکردنی ئۆپەراسیۆنێک لە ناو خاکی عێراق دژی پەکەکە" دەکات.

 

وێنە گەورەکە: دوای چەندین کۆبوونەوەی بەغدا و ئەنقەرە لەسەر ئاستی باڵا، بۆ پرسی پێکەوەکارکردنی هەردوولا بۆ بەرەنگاربوونەوەی پەکەکە لەپێناو زەمینەسازییە بۆ سەقامگیریی ناوچەکە.

 

لێدوانی فەرمی: یەشار گولەر، وەزیری بەرگریی تورکیا ڕایگەیاند: ئۆپەراسیۆنەکانمان دژی تیرۆر بەردەوامە، بۆ ئەمەش لەگەڵ حکومەتی بەغدا سوود لە ئەزموونی یەکتر وەردەگرین و بەیەکەوە هەنگاو دەنێین.