دادگەی سلێمانی: هیچ دادوەرێكی ژنمان هاوسەرەكەی لە ماڵ دەرنەكردووە

ئاڤا نیوز

 

سەرۆكایەتیی دادگەی تێهەڵچوونەوەی ناوچەی سلێمانی، ئەو دەنگۆیە رەت دەكاتەوە كە گوایە دادوەرێكی ژن لە سلێمانی، هاوسەرەكەی لە ماڵ دەركرد بێت.

 

وێنە گەورەكە: دوێنێ لە تۆڕە كۆمەڵایەتییەكان دەنگۆیەک بڵاوكرایەوە كە گوایە دادوەرێک ژن لە سنووری سلێمانی هاوسەرەكەی لە ماڵ دەركردووە، بەڵام سەرۆكایەتیی دادگای تێهەڵچوونەوەی ناوچەی سلێمانی ڕەتی دەكاتەوە.

 

ڕاگەیێنراوی فەرمی: سەرۆكایەتیی دادگەی تێهەڵچوونەوەی ناوچەی سلێمانی: بەدواداچوونمان كرد و دەركەوت هیچ دادوەرێكی سەر بە ئەنجوومەنی دادوەری و سەرۆكایەتیی دادگەی تێهەڵچوونەوەی ناوچەی سلێمانی كاری لەو شێوەیەی نەکردووە.